IDENTIDADE
Unha Publicación do Grupo Vocal SondeNós
O Grupo Vocal SondeNós fai realidade o seu desexo de compartir algunhas pezas do programa que nomea "Identidade" e co que rende tributo a aquel pequeno grupo de intelectuais que respondendo ao chamamento do viveirense Antón Villar Ponte (1881-1936) fundaron na Coruña, no mes de maio de 1916, a primeira "Irmandade da Fala". Queriamos facerlles a nosa propia homenaxe antes de rematarmos o ano do centenario deste importante feito.
​
A artesanía que aquí presentamos pasa pola transcrición, adaptación e harmonización de tres fermosas melodías -O maio, de Luis Emilio Batallán; O meu país, de Miro Casabella e Todo me fala de ti, de Uxía Senlle e Magín Blanco- ás que engadimos unha de inspiración propia -Quando eu sonho-.
![](https://static.wixstatic.com/media/a58ca6_66b910872e0e406dab4515fa70d43021~mv2_d_2000_1200_s_2.jpg/v1/fill/w_409,h_320,al_c,q_80,usm_0.66_1.00_0.01,enc_auto/a58ca6_66b910872e0e406dab4515fa70d43021~mv2_d_2000_1200_s_2.jpg)
![Travieso-O maio + Falarás a nossa lÃngua](https://static.wixstatic.com/media/a58ca6_3837f5cfbe034204a05a9ef055e29836~mv2_d_1654_2339_s_2.jpg/v1/fill/w_147,h_208,al_c,q_80,usm_0.66_1.00_0.01,blur_2,enc_auto/a58ca6_3837f5cfbe034204a05a9ef055e29836~mv2_d_1654_2339_s_2.jpg)
![Travieso- Quando eu sonho](https://static.wixstatic.com/media/a58ca6_0d9cf9c1eaad49dcae95702eec9763b0~mv2_d_1654_2339_s_2.jpg/v1/fill/w_147,h_208,al_c,q_80,usm_0.66_1.00_0.01,blur_2,enc_auto/a58ca6_0d9cf9c1eaad49dcae95702eec9763b0~mv2_d_1654_2339_s_2.jpg)
![Travieso- O meu paÃs](https://static.wixstatic.com/media/a58ca6_c24411e92f624803885be321b86548df~mv2_d_1654_2339_s_2.jpg/v1/fill/w_147,h_208,al_c,q_80,usm_0.66_1.00_0.01,blur_2,enc_auto/a58ca6_c24411e92f624803885be321b86548df~mv2_d_1654_2339_s_2.jpg)
![Travieso- Todo me fala de ti](https://static.wixstatic.com/media/a58ca6_c937c440ab2b4d829e3e16b2d2f5effb~mv2_d_1654_2339_s_2.jpg/v1/fill/w_147,h_208,al_c,q_80,usm_0.66_1.00_0.01,blur_2,enc_auto/a58ca6_c937c440ab2b4d829e3e16b2d2f5effb~mv2_d_1654_2339_s_2.jpg)
O maio e Quando eu sonho son froito da colaboración entre SondeNós e o poeta Séchu Sende. Estreámolas por partida dobre no Panteón de Bonaval e mais na Casa da Matanza. Máis adiante falo un chisco daquel día. Escribín unha partitura coral sobre a melodía que Luis Emilio Batallán compuxera para os versos de Manuel Curros Enríquez "Aquí vén o maio de frores cuberto", deixando entre cada verso catro pulsos de espera para que o meu amigo os enchera coa súa sensibilidade "Falarás a nossa língua porque estamos contigo, minha filha"; de Quando eu sonho os versos son tamén del, e as notas miñas... lembro que nos pillou ensaiándoa no local de San Pedro, en Compostela.
O meu país e Todo me fala de ti son dous cantos á Terra de ambientes ben diversos. "Fantasía ou recreación, desde o respecto... Con saudade", escribín para o primeiro. Imposible non sucumbir á chamada dese laio agre que nos remexe por dentro; descubrín Todo me fala de ti cando Rocío mercou para Mariña o Canta o cuco de Uxía Senlle e Magín Blanco. Unha homenaxe ao poeta chairego laureado en 2016 polas Letras. "Con moita ledicia", apuntei na partitura.
O compañeiro e amigo Lucas Iglesias pintou un maio "da zona da Mariña", como precisou, que ilustra esta sinxela e modesta publicación.
Para interpretar "Identidade" contamos coa colaboración da profesora e amiga Teresa López Sancosmed como recitadora, que aporta á nosa música un toque de verdadeira paixón e sensibilidade.
​
Plácido Travieso,
Galiza, primavera de 2017.
A publicación IDENTIDADE está á venda en:
​
Libraría "O pazo das Musas"
Rúa Nova, 8 - Santiago de Compostela
​
Libraría "Couceiro"
Praza de Cervantes, 6 - Santiago de Compostela
​
Libraría "Porta da Vila"
Rúa Pastor Díaz, 31 - Viveiro
​
Tamén contactando directamente en sondenos@gmail.com
![Concierto GrupoVocal SondeNós](https://static.wixstatic.com/media/a58ca6_d851942d4be84bed87b8a30f63a159b5~mv2.jpg/v1/fill/w_97,h_52,al_c,q_80,usm_0.66_1.00_0.01,blur_2,enc_auto/a58ca6_d851942d4be84bed87b8a30f63a159b5~mv2.jpg)
Concerto no Pazo de Mariñán, no Seminario da Asociación de Directores de Escena de España
![Concierto GrupoVocal SondeNós](https://static.wixstatic.com/media/a58ca6_76373d697f4d4bdb9bffd1cc2cccb78c~mv2_d_1600_1200_s_2.jpg/v1/crop/x_0,y_315,w_1600,h_885/fill/w_94,h_52,al_c,q_80,usm_0.66_1.00_0.01,blur_2,enc_auto/a58ca6_76373d697f4d4bdb9bffd1cc2cccb78c~mv2_d_1600_1200_s_2.jpg)
Concerto do Programa IDENTIDADE no
IES Agra de Leborís. A Laracha (A Coruña)